سطور الليل

عزف الليل

جيتك فالضحى نسالك

من بعدما جرحتيني بحسامك

فغمدو يقتل بكلامك

جيت نسالك على لجفى ففعالك

تنامي وتهمد نار سقامك

وتركيني سهران ناجي ملاكك

ألالا آمريني بالنجوم

نجيبهم ليك فعقد ملجوم

آمريني بجوهر من بلاد روم

يسافر ليه هاد لقلب المغروم

آمريني وآمري وبلا لوم

وخليني نجني من جنانك ولو يوم

مالك ألملاك ما ترويني

ومخلياني فصحرا حرانا تكديني

حني وفتحي رياضك ضايفيني

مانا نكار حسان ولا طماع صدقيني

راني على بابك مسني طلتك تنجني

من حر لغرام ألملاك رويني

سامحيني يا نوارتي صبري قليل

نريد نقطفك بشوكك فهاد الليل

لكن لحلم فوراقي دليل

وحداني نكتب لقلب عليل

مايشافيه غير عطفك لفظيل

راه آخر لغرام موت ولا وصف بهبيل

saymo