سلت قلبي عل لعشيقة،
يالي سلبت روحي فدقيقة،
جاوبني بلهجة صديقة،
بلي سارت دقاتو حريقة،
تكوي الصدر كخمر عتيقة،
ملي كفاها تصير لو صديقة،
وهو طلب تكون فلعمر رفيقة.
لقلب المغروم ديما فديقة،
يسهر ليالي بلا قمرا خليقة،
لونها فحمي فسما غسيقة،
فجرها دامي بدموع سليقة.
ما يتلام عاشقك يا لهلال،
ولا يتعدر قاتل ريم جبال.
ماهي من جماعت نسا جهال،
سميتها موشوما فتاج لغزال،
وصورتها شمس مضويا لبال،
بريق صفاها يدل جوهر فالسلال،
لعيون جوج بحور ما تنجي مرسال،
ولفم نطقو شهدة عسلها حلال،
الضحكة نسمة بين سما وتلال،
لخدود زهور ما شافوهم عقال،
ولوصف ما يطفي نار معشوق لهلال.
***********
والزين زين لفعال الرزينة،
التباتة اللابسة من لحرير دفينة.
تشوفها تقول رزانت سفينة،
ما تهمها مواج عاتية غبينة.
لحي يحي من قامتها لمرينة،
ويقول آمري ولو تحرقيني ففرينة.
الظلم تشوفو ما تسد عليه عوينة،
لحق عندها محفوظ فخزاين سمينة.
طير معزا وماطير كلمت الرزينة،
واللولة ماتخطى لصوار لمتينة،
ولا نوار الدفلة مول لبسمة الزينة.
لقلم حار فرسم المحبوب،
وليام تاهت فزناقي ودروب.
ساعت لحلم تتنسى لحروب،
ويصير لحزن فرح فكتوب.
وعند حلان لعيون تفيق لكروب،
وتعود هموم غرامك يا لمسلوب.
ولي ما عندو صديق مصحوب،
ما يناجي غير طيف من كدوب،
فوقت فجرية قل قليل حيت مجدوب.
ما نتلام ما نتوصف ببهتان فاسلوب،
لي ما داق لغرام يعدر واصف المحبوب.
1 commentaire:
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Placa de Vídeo, I hope you enjoy. The address is http://placa-de-video.blogspot.com. A hug.
Enregistrer un commentaire